إذا غفر الله .. هل يغفر المجتمع ؟؟؟؟ ( للمناقشه )

[آهاااات]

:E

بغيتكم تناقشوني في موضوع مهم .. ضيع حياة اكثر من بنت في المجتمع ..


اذا غفر الله ذنب البنت اللي غلطت في حياتها ( يعني كانت تكلم شباب أو غلطات كثيره )... لكنها تابت وغيرت طريجها 180 درجه ..

ممكن المجتمع يغفرلها ( خاصه انها بنت ) .. لو ولد بنقول لانه الولد شايل عيبه .. بس البنت لأ ..

ليش المجتمع ما يرحم ؟؟ .. اذا هي خلاص تابت ورجعت لربها .. ( ان الله غفور رحيم ) كيف المجتمع ما يرحمها وتظل ذكرا غلطتها تلحقها طول عمرها .. ويمكن تنحرم من الزواج ..

انته عنك كشاب فالمجتمع شو نظرتك لهذه البنت .. و ممكن تقبلها كزوجه لك ؟؟

انتي عنج كبنت فالمجتمع شو نظرتج لهذه البنت .. وممكن توقفين معاها وتساعدينها ؟؟

ليش ما يوقف المجتمع معاها ؟؟ عسب ما ترجع لغلطتها ؟؟

:T شو رايكم ؟؟ :T

[أشواق]

السلام عليكم ورحمة الله وبركاته

:C بارك الله فيج

موضوع في غاية الأهمية ,,, فعلاً هذه مشكلة العصر

المجتمع ( كما قلتي ) الرجل لا يعيبه شي ولكن البنت المسكينه حتى لو غلطة بسيطه لا يغفر لها

والحل ؟ أنا في نظري أنها ما تفقد الثقه في نفسها بما انها تابت توبة نصوحه والله سبحانه وتعالى غفر لها

فلا يهمها اي شي آخر ( لان الدنيا وما فيها زواله ) ولا ينفع أحد

بما أنني فتاة مستحيل أتخلى عن صديقتي حتى لو اكتشفت كان لها ماضي

وكل الناس لهم ماضي سواء البنت او الولد

وبارك الله فيج

وكثر من مواضيعج المفيد .
أختك في الله
اشواق

[آهاااات]

اشواق

:) تسلمين أختيه على رايج المهم والحلو .. وبصرااحه يا حظ ربعج فيج .. :)

تسلمين على المرور ,, :Q

[فطامي]

ما شاء الله موضوعج حلو،،وتشكرين عليه

أختي البنت عندنا يشبهونها مثل السحة( التمر) إذا لمسها الجميع ويبتي وقدمتيها لأي حد بيرفض يأكل منها لانها خلاص ماتنفع .
والبنت شبهوها مثل الأكل لانه نعمة من الله عطانا اياها عشان تنصان ولانها الام والأخت وكل شي وعلينا المحافظة عليها.
أما إذا هاي البنت غلطت وراحت فطريق الحرام وتابت لله توبة نصوحة الله بيرزقها الخير لو هو متأخر ولو كان الزواج( وعسى ان تحبوا شيئا وهو شر لكم) الله غفرلها المجتمع خليه يولي الله الي كتب لها الحياة وهذا درس تعلمته من الدنيا وتعلمت من الدنيا انهاتتوب الى الله والله سمح عنها ليش احنى مانسامحها اذا الأنبياء عليهم السلام غلطوا والله سامحهم اني احنا البشر المخلوقين منتراب نعترض طبعا لا ،
هذي البنت لو كنت انا في مكانها برمي المجتمع ورى ظهري وما بفتكر فيه ولو الله رايدلي الخير متاخر بقبل فيه وبحمدلله عليه ومابعترض يكفي انه الله غفر لي ذنبي..وهذا رأيي

وشكرا

[آهاااات]

فطامي


******* أنا وياج .. اذا الله غفر لا يهمها راي المجتمع ..

بس بعد .. تعيش فالمجتمع مثل المنبوذه هاي ما تكون عيشه ..

وهذا راي و كلٍ له رايه ..

تسلمين على رايج اللي يهمنا .. :Q